Wat om by Kompas te verwag?

By Kompas word jy in ‘n vriendelike, gemaklike omgewing verwelkom deur mense wat opgewonde is om jou te sien. Ons wil hê jy moet ‘n idee hê van wat om te verwag wanneer jy by ‘n Kompas Gemeente aankom. Al wat jy van hier af hoef te doen, is om te kom soos jy is en meer vir jouself uit te vind!

Meer oor ons dienste

Enige iemand is welkom om Kompas dienste by te woon, kom net soos jy is. Dit maak nie saak waar jy in jou geestelike reis is nie. Ons beplan ons dienste om nie langer as 75 minute te wees nie. Dit is ons hart om ‘n gemaklike omgewing te skep waarbinne jy die Woord op ‘n praktiese en verstaanbare manier kan ontvang. Ons glo dat liefde vir God en mense, die vermoë het om die wêreld te verander. Ons dienste vind elke Sondag om 9:00 en 18:00 plaas en ons bied ook elke Sondag om 9:00 ‘n aanlyndiens aan. Beide die oggend- en aanddienste behels dieselfde diens, sodat ongeag of jy die oggende of die aande bywoon, jy op datum kan wees met alles wat by Kompas Gemeente gebeur. Ons het ook tydens die oggenddienste om 9:00, dienste vir kinders: Belofteland (3-7 jariges), Die Weg (vir 8-12 jariges), Net 7’s (vir Graad 7’s) en Toegee (vir hoërskoolleerders). Ons sien daarna uit om jou by een van ons dienste te sien.

Vir meer inligting, kontak ons gerus op 016 004 0016 of navrae@kg.org.za