Wat is Die Weg?

Kinders is vir ons belangrik en ons glo die omgewing waar hulle God beleef speel ‘n groot rol. Ons omgewings is ingerig om kinders in te trek, te laat uitsien en opgewonde te maak om daar te wees.

Die Weg skep ‘n veilige omgewing vir kinders tussen die ouderdomme van 9 – 12 jaar, om te leer wat dit beteken om Jesus se weg te volg en hoe hulle in ‘n verhouding met Hom kan staan.

Ons wil hê die kinders moet sien hoe God se Woord op hulle lewens van toepassing is en hoe Sy waarheid hulle die weg vir hulle lewe wys. Ons lesse, waarhede, Bybelstories en aktiwiteite word op ‘n praktiese en verstaanbare manier vir hulle ouderdom uitgewerk. Ons wil vir kinders die plek en geleentheid bied om in ‘n verhouding met Jesus Christus te kan groei.

Ons sien daarna uit om jou kind by Die Weg te sien.