Wat is Beginpunt?
Toe Kompas Gemeente in 2012 begin het, was die missie van die kerk om mense te lok wat nie gereeld kerk toe gaan nie. Ons het gehoop om ‘n plek te skep wat aantreklik, innemend, relevant en behulpsaam was.
Ons het besef dat mense dink dat hulle alles oor geloof en kerk moes “weet” om deel te wees van kerk. Dit was vir ons absoluut noodsaaklik om ‘n veilige plek te skep vir mense om die vrae oor God, die lewe en sake van geloof te begin vra.
Beginpunt is ‘n gesprek , ‘n gesprek waar jy verhouding bou. In plaas van die tradisionele onderwyser- en studenteformaat van leer, kom groeplede saam met die leiers byeen vir ‘n gefasiliteerde bespreking. Dit is ‘n veilige plek om hul vrae, twyfel en gedagtes oor geloof te ondersoek, want die gesprek nooi hulle uit om hul vorige ervarings, huidige oortuigings en toekomstige ideale te deel. In beginpunt-groepe kan hulle sien dat hulle nie alleen is nie en kry hulle ‘n voorsmakie van hoe dit is om gemeenskap met ander mense op ‘n soortgelyke reis, te ervaar.
Om te verduidelik vir wie Beginpunt ideaal is, gebruik ons drie verskillende beskrywings:
- Nuut in ‘n verhouding met Jesus Christus en op soek na ‘n stewige fondament vir hulle geloof.
- Om terug te keer na ‘n kerklike agtergrond, al is hulle reeds ‘n rukkie weg.
- Nuuskierig is oor God, Jesus, die Bybel of die Christendom, maar identifiseer hulself nie as ‘n Christen nie.
Beginpunt is ‘n plek waar geen vraag buite perke is nie, gesprek word aangemoedig en daar is geleenthede om jou vrae te bespreek met ander wat op dieselfde reis is.
Wanneer vind Beginpunt plaas?
Beginpunt word kwartaalliks op weeksoggende en -aande vir groepe aangebied. Elke Beginpunt-groep word deur een van die predikante by Kompas Gemeente aangebied.
